Galau
jurusan le kita. IPA? IPS? Aarrrgggghhhh!!
Malas kalo
mo suruh inga inga le. Ta pe tamang so dari dulu galau jurusan. Kita le no.
Dari dulu kita memang suka pelajaran IPS, mar bingung le mo pilih IPA ato
IPS. Mo maso IPS, mar ta pe guru ada bilang, lebe bae lulusan IPA kong ambe
kuliah IPS. Lulusan IPA pe analisis lebe bae. Tambah bingung le kita. So nya’
kuat kita mo belajar IPA. Nyanda ada Ilmu Pengetahuan Olahraga katu’ kang? Ato
Ilmu Pengetahuan Seni dan Sastra? Kalo perlu biar jo kita mengarang tiap hari
ato biar jo kita main mellophone tiap hari -_- Bekeng skola jo sandiri .
16 Juni
2012, kitorang ada dapa suruh ambe rapor deng torang pe orang tua jam stengah
10. So takut kita. Ta pe rapor tabakar ka nyanda? Nya’ mangarti ta pe maksud?
Ba pikir jo sandiri. Seperti biasa, sebelum ambe rapor kitorang pe orang tua
harus ambe nomor antrian. So rupa di bank kang? Supaya tertib katu’.
Ta pe nomor
antrian waktu itu, 26 sto dari 32. Ah, so lupa kita. So nya’ dapa inga. Ta pe
tamang yang nomor antrian pertama ada maso ambe rapor. Pas kluar, dia kong
langsung kasi tau pa kitorang, ternyata ada pake ranking. Pe malas le kalo ada
pake ranking -_- , mar mo bekeng apa le? Ta pe tamang lain da baku tanya sapa
katu’ yang ranking 1, ranking 2, dan seterusnya. Dorang so sebut rank 1 ini,
rank 2 itu, rank 3 ini, rank 4 itu, rank 5 ini, rank 6 itu. Waktu itu dia cuma
inga sampe ranking 6. Kita jao jao no dari dorang. Nin tau le kita rank brp,
kita da bapikir so rank 20-an sto. Waktu itu kita langsung da pergi jalan
supaya nya’ kepikiran. Waktu kita so lela, ta bale pa ta pe depan kelas. Ta pe
tamang langsung da kasi tau akang kita dapa ranking brapa. Kita ranking 7 kata.
Mar kita nya’ percaya. Nda lama ta pe tamang laeng kluar dari kelas, kong dia
bilang kita ranking 8 le. ?!?! bingung kita e. Kita nya' pusing deng ranking,
yang penting nae klas no Kita masih nda percaya. Sampe-sampe ta pe tamang ada
photo tu daftar ranking kong dia ada kasi maso di grup BB, mar kita nin mau lia
tu ranking.
So lama da
tunggu antrian, akhirnya giliran ta pe nomor. Kita deng ta pe mama maso. Kong
kita lia sandiri tu kertas ranking. Ternyata kita dapa ranking 7. Puji Tuhan!
Nda sia sia katu’ kita da kunci kamar. Biar katu’ ta pe adek menangis mo maso,
kita nda buka :p peace bro!
Bale pa ta pe judul postingan. Jadi bemana
ngana, git? Mo maso IPA ato IPS? -_____-
Tidak ada komentar:
Posting Komentar